Disgyblion uwchradd

Sara ydw i a dwi’n 13 oed. Rydw i’n teimlo’n ofnus. Roedd fy llystad yn cicio drws y tŷ ac yn dweud “nei di ddifaru am hyn!” Dau ddiwrnod yn ôl roedd mam wedi dod a phopeth i ben rhyngddynt a symudodd e allan o’r tŷ ddoe. Doedd e ddim wedi bwrw hi heddiw ond mae wedi taflu pethau yn y gorffennol.

Mae’n wneud hwyl am ei phen hi pan rydyn ni’n mynd allan gyda’i ffrindiau ac yn galw enwau arni ac yn gwneud iddi deimlo’n dwp. Dydi hi ddim wedi dweud wrth unrhyw un. Pan symudodd e allan ddoe dywedodd “mi gei di dy gosbi am hyn.” Er bod e wedi mynd rwy’n poeni bydd e’n dod nôl eto.

Rydw i’n 8 oed a fy enw ydy Jake. Mae fy mamau’n codi ofn arna i, rydw i eisiau help. Mae Mam yn anfon fi i’r gwely ac yna rydw i’n clywed fy mam arall yn crio. Gwelais i gleisiau ar ei breichiau a’i wyneb. Mae’n digwydd yn aml ac mae’n gwneud i fi deimlo’n ofnus ac yn drist.

Rydw i’n 16 oed ac yn astudio ar gyfer TGAU. Roedd problemau ariannol gyda fy rhieni ac mae nhw’n dadlau trwy’r amser. Yn ddiweddar rydw i wedi cwrdd â Tom. Mae Tom yn mynd i’r coleg ac yn gwneud i fi deimlo’n arbennig. Ar y dechrau roedd e’n prynu nifer o bethau neis i fi ac yn gwneud i fi deimlo’n bwysig. Roedd e hefyd yn anfon negeseuon ata i drwy’r amser ac eisiau i fi dreulio fy holl amser gyda fe. O ganlyniad roeddwn i’n gweld llai o fy ffrindiau a theulu, ond doedd dim ots gen i. Roedd fy rhieni yn dadlau beth bynnag felly roeddwn i’n mwynhau bod gyda Tom.

Ar ôl ychydig gofynnodd e i fi symud mewn gyda fe. Fe oedd yn gyfrifol am yr arian oherwydd, fel dywedodd e ‘Fi sy’n ennill yr arian felly fi dylai edrych ar ôl yr ochr ariannol.’ Roedd hynny’n wir felly rhoddais i’r arian oedd gen i mewn cyfrif banc ar y cyd ac fe oedd yn edrych ar ôl y garden. Roedd e’n rhoi arian i fi ar gyfer rhai pethau ond pan oeddwn i’n gofyn am arian dywedodd e fod e ddim yn gwybod ble’r oedd y garden neu roedd yn gwneud esgusodion. Mae’n gwneud i fi deimlo’n anghyfforddus ac yn ofnus. Dywedodd fy ffrindiau bod hyn yn Cam-drin Domestig. Ond sut ydy hynny’n wir? Mae’n neis i fi fel arfer? Beth ddylwn i wneud?

Rydw i’n 16 oed ac mewn perthynas. Ar hyn o bryd mae pethau’n anodd. Dydi fy nghariad ddim yn hoffi pan rwy’n anfon negeseuon at bobl eraill. Mae hi’n fy nghyhuddo o fflyrtio gyda merched eraill a phethau fel hynny, felly mae’n haws i fi aros yn y tŷ. Dydw i ddim yn gweld fy ffrindiau neu hyd yn oed fy mam a fy mrawd yn aml o gwbl hyd yn hyn. Mae hi’n rhegi ata i ac yn galw enwau arna i yn aml, doedd hi ddim fel hyn ar y dechrau. Dydw i ddim wedi dweud wrth unrhyw un, dydi pethau fel hyn ddim yn digwydd i fechgyn.

Dw i’n 17 oed a dyma fy mherthynas pwysig gyntaf. Dechreuon ni berthynas rhywiol yn eithaf cyflym, roeddwn i’n teimlo fel taw dyma beth mae’n rhaid i fi wneud fel ei gariad. Mae pethau wedi newid rhyngom ni, mae fy nghariad wedi dechrau dweud wrthyf beth i wneud.

Dechreuais i wneud esgusodion er mwyn osgoi cael rhyw ond mae’n dweud bod hawl gyda fe i gael rhyw gyda fi. Dydw i ddim wir yn deall ond dydw i ddim yn meddwl dylai pethau fel hyn digwydd mewn perthynas.