Staff yr ysgol
Mae Prosiect Sbectrwm yn raglen Cymru gyfan sy’n cael ei ariannu gan Lywodraeth Cymru ac sy’n cael ei ddarparu gan addysgwyr cymwys.
Mae’r gweithdai dwyieithog, sy’n rhad ac am ddim, wedi’u cysylltu’n agos â’r Adran Ddysgu Iechyd a Lles y cwricwlwm drafft newydd i Gymru 2022 ac maent yn hyrwyddo pwysigrwydd perthnasoedd iach. Maent hefyd yn codi ymwybyddiaeth am faterion cam-drin domestig, trais rhywiol a thrais yn erbyn menywod ymhlith plant, pobl ifanc ac oedolion. Mae’r gweithgareddau diddorol hyn wedi’u cynllunio er mwyn peri i rywun feddwl ac i hyrwyddo trafodaeth ymhlith cyfoedion, ond nid yw’n fwriad i ennyn emosiwn a fydd yn achosi gofid.
Mae diwedd bob sesiwn yn darparu gwybodaeth i bobl ifanc o ran lle y gallant gael help a chefnogaeth yn yr ysgol a thu hwnt. Mae Sbectrwm hefyd yn darparu hyfforddiant ar gyfer staff a llywodraethwyr yr ysgol ynglŷn â deall effaith cam-drin domestig ar blentyn ac yn codi ymwybyddiaeth trwy edrych ar ddull ysgol gyfan i fynd i’r afael â cham-drin domestig.
Mae Arolygiad Estyn o Addysg Perthnasoedd Iach yn 2017 yn cynnwys gwybodaeth am Brosiect Spectrwm. Mae’r adroddiad yn rhoi enghreifftiau o sut y gall Prosiect Sbectrwm weithio’n llwyddiannus gydag ysgolion i ymgorffori Perthnasoedd Iach yn y cwricwlwm.
Sut mae adnoddau Sbectrwm yn cyd-fynd â’r Cwricwlwm Newydd
Mae gennym adnoddau a gweithgareddau ychwanegol sy’n cyd-fynd â’r Adran Ddysgu Iechyd a Lles y Cwricwlwm i Gymru.
Mae pob cynllun gwers ac adnodd yn cynnwys gwybodaeth berthnasol i athrawon ynglŷn â sut mae pob un yn cyfateb i’r adrannau profiad dysgu canlynol:
- Cysylltiadau â dysgu ac adrannau eraill.
- Profiadau, gwybodaeth a sgiliau.
- Fframwaith Cymhwysedd Digidol.
- Addysg Perthnasoedd a Rhywioldeb.
Mae pob un hefyd yn cynnwys gosodiad ar y Dull Ysgol Gyfan.
Mae’r gweithgareddau yn cael eu hanelu at y Cyfnod Sylfaen hyd at CA3/4, er enghraifft gweithgaredd gyda ffocws ar fod yn ddiogel a phryd i ffonio 999, perthynas iach, gemau beth sy’n wahanol, gemau bwrdd, cwis a thasgau fel ‘Creu Rysáit am Berthynas Iach’.
Mae gan Sbectrwm Adnoddau ‘Cydraddoldeb ar sail Rhywedd’. Adnodd newydd dwyieithog yw hwn ynglŷn â stereoteipio. Nod y gweithgareddau yw herio’r stereoteip a hybu cydraddoldeb rhwng y rhywiau. Bydd hyn yn cael ei gynnig i ysgolion cynradd. Yn y pecyn bydd:
- Hyfforddiant staff ar Gydraddoldeb Rhywedd – bydd pob adnodd ar gael i’r ysgolion ar ôl yr hyfforddiant staff yn unig.
- Gwybodaeth i rieni a sesiwn hyfforddiant i rieni.
- Cynlluniau gwersi ac adnoddau ar stereoteipio ar sail rhyw.
- Gwasanaethau dosbarth/ysgol gyfan.
Fel y sesiynau rydym yn cynnig i ysgolion, nod yr adnoddau a gweithgareddau hynny yw cefnogi dysgwyr ac athrawon wrth iddynt ddechrau gweithredu ar y cwricwlwm newydd.
Gwybodaeth am hyfforddiant staff
Pynciau ar gael:
- Hyfforddiant Ymateb Ysgol gyfan i fynd i’r afael â Cham-drin Domestig
- Hyfforddiant Delio â Datgeliad
Hyd y sesiynau:
Gallwn drafod hyd yr hyfforddiant gyda’r ysgol cyn y sesiwn. Fel enghraifft:
- Bydd sesiwn awr o hyd yn ein galluogi i ddarparu trosolwg cyffredinol o’r pwnc
- Bydd sesiwn tair awr (hanner diwrnod) ar gyfer Hyfforddiant Ymateb Ysgol gyfan i fynd i’r afael â Cham-drin Domestig yn ein galluogi i drafod ac ystyried y pwnc yn fwy manwl.
Gwybodaeth Cyffredinol Hyfforddiant Staff:
Mae pob sesiwn hyfforddiant:
· am ddim ac wedi’i hariannu yn uniongyrchol gan Lywodraeth Cymru
· yn gallu cael ei chynnal trwy gyfrwng y Gymraeg neu’r Saesneg
· yn cael ei chyflwyno gan addysgwyr cymwys.
Pwy ddylai fynychu’r hyfforddiant?
- Pob aelod o staff ysgol gan gynnwys swyddogion cylchwylio, goruchwylwyr amser cinio, staff cefnogi ayyb. Pwrpas cynnwys pob aelod o staff ydy sicrhau ymateb cydlynol oddi wrth bawb er mwyn cyflawni Ymateb Ysgol Gyfan i fynd i’r afael â Cham-drin Domestig.
- Rydym hefyd yn darparu sesiynau tebyg ar gyfer rhieni a llywodraethwyr, yn unol â dymuniadau’r ysgol.
Nodau’r sesiwn:
Hyfforddiant Ymateb Ysgol Gyfan i fynd i’r Afael â Cham-drin Domestig:
- Deall y termau Cam-drin Domestig, Trais Rhywiol a Thrais yn Erbyn Menywod
- Datblygu gwybodaeth a dealltwriaeth am effaith Cam-drin Domestig ar blant a phobl ifanc
- Deall y gefnogaeth mae ysgolion yn gallu rhoi i blant sydd wedi’u heffeithio gan Gam-drin Domestig
Hyfforddiant Delio â Datgeliad:
- Ddeall yn hyderus sut i dderbyn datgeliad gan ddisgybl a gwybod pa broses ddiogelu i’w dilyn
- Ddatblygu gwybodaeth a dealltwriaeth o effaith Cam-drin Domestig ar blant a phobl ifanc
- Ddeall sut i ddarparu cefnogaeth i blant a phobl ifanc ar ôl datgeliad
Gwybodaeth cyffredinol ynglŷn â’r prosiect:
Y mae’r holl hyfforddiant ar gael am ddim ac wedi’u hariannu gan Lywodraeth Cymru.
- Yr ydym yn darparu hyfforddiant trwy gyfrwng y Gymraeg a’r Saesneg ac yn defnyddio adnoddau dwyieithog.
- Darparir yr holl hyfforddiant gan addysgwyr cymwys.
- Y mae pob sesiwn yn ymateb i’r Fframwaith Rhifedd a Llythrennedd a’r Côd ACRh.
- Rhoddir pecyn cymorth i bob ysgol sy’n cynnwys gwybodaeth ac arweiniad am gymorth, gan gynnwys llyfrnodau, posteri, cardiau cymorth a llyfryn gwybodaeth “Ymateb Ysgol Gyfan.”
- Y mae gwybodaeth, gemau, adnoddau a chynlluniau gwers i ddilyn ein sesiynau ar gael ar y we i bob ysgol, sy’n cynnwys ein masgots cefnogi, Tedi Sbectrwm ac Arwr Sbectrwm.
Fideos
Tystebau staff
Hyfforddiant staff:
- ‘Concise, informative and well presented.’
- ‘Helpful to identify what the school is doing and where we need to improve.’
- ‘Important to recognise the signs of abuse.’
- ‘Raising awareness and promoting discussion.’
- ‘Very useful and practical all children and staff should be aware of the signs/symptoms of Domestic Abuse.’
- ‘It helps children to become aware of what is healthy and may help them come forward and say if they feel something is wrong.’
- ‘The delivery was clear, excellent resources. Questions were answered well. Friendly atmosphere.’
- ‘Important and useful information in identifying Domestic Abuse and how it can affect behaviours in the children I teach.’
- ‘Very informative session – lots learned in a short amount of time.’
- ‘Very informative training. Activities enabled discussion about signs to watch out for and the various types of abuse.’
- ‘Hyfforddiant pwysig I bob unigolyn fod yn ymwybodol o.’
- ‘Wedi codi ymwybyddiaeth o arwyddion cam-drin domestig a’r effaith ar blant. Hyfforddiant gwych – cyfleoedd i drafod a dosbarthu datganiadau.’
- ‘Ehangu gwybodaeth staff o gam-drin.’
- ‘Codi mwy o ymwybyddiaeth o arwyddion cam-drin domestig yn y cartref.’
- ‘Provides strategies which can be put in place to support the while school approach.’
- “Very clear and informative, very well presented. Some statistics surprised and shocked me.”
Staff cynradd ar ol sesiwn disgybion:
Would you recommend this sessions to other schools?
- Yes – ‘Because it is a vitally important topic to cover and pupils need to know this.’
- Yes – ‘Children need to be aware of Healthy Relationships and what is acceptable before they get into relationships themselves.’
- Yes – ‘It helps to raise the children’s awareness of domestic abuse and what a positive relationship looks like.’
- Yes – ‘Because it is very informative.’
- Yes – ‘Not all staff aware. Many people together can make a huge difference.’
Staff uwchradd ar ol sesiwn disgyblion:
- Very thought provoking and set out well for students to understand such a sensitive area.’
- Informative and practical. Good use of activities to break up session and keep students engaged.’